Канцэрт будзе мець назву "Вяртанне з выраю": новыя песні, новае гучанне, новыя пачуцці - музыкі быццам вярнуліся з доўгага падарожжа, узбагаціўшыся вопытам, ідэямі і ўражаннямі.
Fantasy Orchestra - гурт з даволі нетрывіяльным складам інструментаў: барабаны, бас, электрагітара, цымбалы ды электраскрыпка. Сама Кацярына Ваданосава з'яўляецца ў ім вакалісткай, аўтарам песень, а таксама грае на духавых інструментах. Менавіта такім наборам атрымліваецца якасна працаваць у музычным накірунку, які ўмоўна можна акрэсліць як "фэнтэзі-рок", альбо "менестрэль-рок".
Чакаем усіх у клубе "Графіці" 30 сакавіка а 19-й гадзіне.
Квіткі:
загадзя - 5 р.
у дзень канцэрта - 8 р.
Квіткі можна набыць на сайце клуба і ў касе клуба па зав. Калініна, 16.
30.03 в 19.00 клуб "Граффіці", зав. Калініна, 16
Інфалінія 33/29 638 4444
Kaciarina Vadanosava & Fantasy Orchestra
Вясна, спадарства! А значыць, самы час наведаць канцэрт самай узнёсла-рамантычнай ды эпічна-гераічнай у Беларусі спявачкі Кацярыны Ваданосавай і яе ансамбля!